ఏక్ దం న్యూస్, కరీంనగర్ :
తెలంగాణ ప్రభుత్వ కళాశాలల గెజిటెడ్ అధ్యాపకుల సంఘం (టీజీసీజీటీఏ) కరీంనగర్, జగిత్యాల, రాజన్న సిరిసిల్ల, పెద్దపల్లి జిల్లాల కార్యవర్గ ఎన్నికలు ఆదివారం కరీంనగర్లోని ఎస్.ఆర్.ఆర్ ప్రభుత్వ డిగ్రీ కళాశాలలో ప్రశాంతంగా జరిగాయి. నాలుగు జిల్లాలకు చెందిన నూతన కార్యవర్గ సభ్యులు ఏకగ్రీవంగా ఎన్నిక కావడంతో సంఘంలో కొత్త నాయకత్వానికి మార్గం సుగమమైంది. తెలంగాణ ప్రభుత్వ కళాశాలల గెజిటెడ్ అధ్యాపకుల సంఘం (టీజీసీజీటీఏ) జిల్లా కార్యవర్గ ఎన్నికలు కరీంనగర్లోని ఎస్.ఆర్.ఆర్ ప్రభుత్వ డిగ్రీ కళాశాలలో నిర్వహించారు. ఎన్నికల్లో కరీంనగర్, జగిత్యాల, రాజన్న సిరిసిల్ల, పెద్దపల్లి జిల్లాల కార్యవర్గాలు ఏకగ్రీవంగా ఎన్నికయ్యాయి. కరీంనగర్ జిల్లా అధ్యక్షుడిగా డా.ఎం.సత్యప్రకాశ్, కార్యదర్శిగా డా.జి.శ్రీనివాస్ రెడ్డి, కోశాధికారిగా డా.ఎ.రాజశ్రీ, ఉపాధ్యక్షుడిగా టి.రాజయ్య, రాష్ట్ర కౌన్సిలర్గా బూర్ల వెంకటేశ్వర్లు ఎన్నికయ్యారు. జగిత్యాల జిల్లా అధ్యక్షురాలిగా డా.ఎన్.సంగీతారాణి, కార్యదర్శిగా డా.ఎ.శ్రీనివాస్, కోశాధికారిగా డా.ఈ.రాజ్కుమార్ ఎన్నికయ్యారు. రాజన్న సిరిసిల్ల జిల్లా అధ్యక్షుడిగా జి.శ్రీధర్రావు, కార్యదర్శిగా డా.ఎ.ప్రసాద్ ఎన్నిక కాగా, పెద్దపల్లి జిల్లా అధ్యక్షుడిగా డా.జి.పురుషోత్తం, కార్యదర్శిగా డా.చి.మారుతి ఏకగ్రీవంగా ఎన్నికయ్యారు. ఈ సందర్భంగా నూతనంగా ఎన్నికైన జిల్లా కార్యవర్గ సభ్యులకు టీజీసీజీటీఏ రాష్ట్ర ప్రధాన కార్యదర్శి డా.కడారు సురేందర్ రెడ్డి అభినందనలు తెలిపారు. అధ్యాపకుల హక్కుల పరిరక్షణ, ప్రభుత్వ డిగ్రీ కళాశాలల అభివృద్ధి, ఉన్నత విద్యా ప్రమాణాల పెంపు దిశగా నూతన కార్యవర్గాలు సమన్వయంతో పనిచేయాలని ఆకాంక్షించారు. కొత్త కార్యవర్గాల ఎన్నికతో నాలుగు జిల్లాల్లో సంఘ కార్యకలాపాలకు మరింత ఊపు వస్తుందనే ఆశాభావాన్ని అధ్యాపకులు వ్యక్తం చేస్తున్నారు.